Pentaqon: Çinin nüvə potensialının artım tempi əvvəlki təxminləri üstələyib

"Pekinin 2022-ci ildə nüvə genişlənməsini davam etdirib".

"Operativ Media" xəbər verir ki, bu barədə Pentaqonun Çinin hərbi və təhlükəsizlik inkişaflarına dair illik hesabatında qeyd edilib.

"Müdafiə Nazirliyi Çinin 2023-cü ilin may ayına kimi 500-dən çox operativ nüvə başlığına malik olduğunu təxmin edir ki, bu da əvvəlki təxminləri üstələyir", - hesabatda deyilir. 

Hesabatda Çinin nüvə başlıqlarının sayının 2030-cu ildə 1000-ə çatacağı və 2035-ci ilə qədər nüvə potensialının gücünü artırmağa davam edəcəyi proqnozlaşdırılır.

Hesabatda həmçinin qeyd olunub ki, Çin quru, dəniz və havadan nüvə çatdırılması sistemlərinin inventarını artırıb.

Amerika Alimləri Federasiyası bildirir ki, ABŞ-də təxminən 3700 nüvə başlığı, Rusiyada isə 1550 nüvə silahı var.