Roma Papası Dünya Yəhudi Konqresinin prezidentini qəbul edib

Roma Papası Fransisk sədr Ronald Lauderin başçılıq etdiyi Dünya Yəhudi Konqresinin nümayəndə heyətini qəbul edib. 

"Operativ Media" xəbər verir ki, bu barədə Müqəddəs Taxt-Tacın mətbuat xidməti məlumat yayıb.

Vatikanın mətbuat xidmətinin rəhbəri Matteo Bruni bildirib ki, bu görüş sentyabrın əvvəlində planlaşdırılıb.

Fələstin-İsrail münaqişəsi kəskinləşməyə başlayandan bəri Fransisk dəfələrlə zorakılığı dayandırmağa, HƏMAS-ın götürdüyü girovları azad etməyə çağırıb, həmçinin Qəzza zolağındakı humanitar vəziyyətdən dərin narahatlığını bildirib.