İspaniya Yaxın Şərq üzrə beynəlxalq sülh konfransının keçirilməsini təklif edib

İspaniyanın xarici işlər naziri vəzifəsini icra edən Xose Manuel Albares Yaxın Şərqdə vəziyyət normallaşan kimi beynəlxalq sülh konfransının keçirilməsini təklif edib. 

"Operativ Media" xəbər verir ki, o, bu barədə Aİ Şurasının Lüksemburqda keçirilən iclasından sonra müvafiq bəyanatla çıxış edib və onun çıxışı Şuranın mətbuat xidməti tərəfindən yayımlanıb.

"Biz Fələstinə yardımımızı 21 milyon avroya çatdırdıq və tezliklə bu məbləği iki dəfə artıracaq bir açıqlama verməyə çalışırıq. Problem isə mütləq iki dövlətli həlli ehtiva etməlidir", - diplomat qeyd edib.

"Mən tərəflərin və bütün beynəlxalq ictimaiyyətin təmsil olunacağı və münaqişənin yekun həlli istiqamətində irəliləyişin əldə oluna biləcəyi beynəlxalq sülh konfransının çağırılması təklifini irəli sürmüşəm", - Albares əlavə edib.