"İsrail fələstinli mülki vətəndaşları qorumaq üçün bütün tədbirləri görməli, həmçinin Qəzza zolağına su, qida və dərman çatdırılmalıdır". 

"Operativ Media" xəbər verir ki, bunu ABŞ-nin dövlət katibi Entoni Blinken BMT Təhlükəsizlik Şurasının Fələstin-İsrail münaqişəsi zonasındakı vəziyyətlə bağlı iclasında çıxışı zamanı deyib.

"İsrail mülki şəxslərə zərər verməmək üçün hər cür tədbir görməlidir. Bu, Qəzzaya və ehtiyacı olan insanlara ərzaq, su, dərman və digər humanitar yardımların çatdırılmasını təmin etmək deməkdir", - Blinken bildirib.

Blinken həmçinin hesab edir ki, mülki əhalinin Qəzza zolağından çıxarılması üçün humanitar atəşkəs elan edilməsi ehtimalı nəzərdən keçirilməlidir.