Nebenzya: Fələstin-İsrail münaqişəsinin qurbanları arasında 19 Rusiya vətəndaşı var

"Fələstin-İsrail münaqişəsinin qurbanları arasında 19 Rusiya vətəndaşı var".

"Operativ Media" xəbər verir ki, bunu Rusiyanın BMT-dəki daimi nümayəndəsi Vasili Nebenzya bildirib.

"Təəssüf ki, bugünkü müzakirə Fələstin-İsrail münaqişəsi zonasında misli görünməmiş zorakılığın baş verməsi fonunda baş verir ki, bu münaqişə qurbanların sayının fəlakətli artmasına səbəb olub. Hər iki tərəfdən mülki itkilər çoxdur.Son məlumatlara görə, minlərlə israilli və fələstinli həlak olub, 18 minə yaxın insan yaralanıb, qurbanlar arasında 19 Rusiya vətəndaşı da var", - deyə o, BMT-dəki açıq müzakirələrdə bildirib. 

Daha əvvəl Nebenzya qeyd edib ki, minə yaxın rusiyalı və onların ailə üzvləri Qəzza zolağının cənubunda blokadanın girovu olub. Rusiyanın İsraildəki səfiri Anatoli Viktorov bildirib ki, Rusiya və digər MDB ölkələrinin minə yaxın vətəndaşı, o cümlədən onların ailə üzvləri Fələstin anklavının cənubunda Misirlə sərhəddə Rəfah keçid məntəqəsinin açılmasını gözləyirlər. Onun sözlərinə görə, sektorun cənubunda vəziyyət fəlakətə yaxındır.