Yaxın Şərqdə münaqişə zamanı həlak olan fransızların sayı 30-u ötüb

Oktyabrın 7-də HƏMAS qruplaşmasının İsrail şəhərlərinə hücumundan sonra Fransa hakimiyyəti 31 fransızın öldüyünü təsdiqləyib. 

"Operativ Media" xəbər verir ki, bunu Fransa prezidenti Emmanuel Makron misirli həmkarı Əbdülfəttah əs-Sisi ilə keçirdiyi mətbuat konfransında deyib.

O, HƏMAS-ın hücumunun nəticələrinə toxunub: "İndiyə qədər 31 soydaşımız həlak olub".

Onun sözlərinə görə, Qəzza zolağında ümumilikdə 200-dən çox girov saxlanılır, onların arasında 9-a qədər fransız da ola bilər. Makron girovları azad etmək üçün Qətərə vasitəçilik səylərinə görə təşəkkür edib. 

Makron vurğulayıb ki, milliyyətindən asılı olmayaraq bütün girovlar azad edilməlidir.