Putin: Rusiyanın Fələstin və İsraillə bağlı mövqeyi "iki dövlət" prinsipinə əsaslanır

"Rusiya Federasiyasının Fələstin-İsrail münaqişəsi ilə bağlı mövqeyi fürsətçi xarakter daşımır, o, BMT-nin iki dövlət həllinə əsaslanır".

"Operativ Media" xəbər verir ki, bunu Rusiya prezidenti Vladimir Putin ölkənin əsas dini konfessiyalarının liderləri ilə görüşündə deyib.

"Rusiyanın Fələstin-İsrail münaqişəsi ilə bağlı mövqeyi məlumdur və tamamilə aydın şəkildə dəfələrlə bəyan edilib. Onun hazırkı vəziyyətlə bağlı heç bir fürsətçi mahiyyəti yoxdur. Bu, BMT Təhlükəsizlik Şurasının bölgədə iki dövlət yaradılmasını nəzərdə tutan qərarlarına əsaslanır: İsrail və Fələstin", - Putin bildirib.

Onun sözlərinə görə, bu, Yaxın Şərqdə sülhün bərqərar olması üçün uzunmüddətli, fundamental nizamlanmanın açarıdır.