“Amazon”un qurucusu dünyanın ən varlı adamı adını geri alıb

"Amazon"un qurucusu Jeff Bezos "Tesla"nın baş direktoru İlon Maskı geridə qoyaraq dünyanın ən varlı adamı titulunu bərpa edib.

"Operativ Media" xəbər verir ki, buna "Amazon" və digər texnologiya şirkətlərinin səhmlərinin artması səbəb olub.

Hazırda Bezosun sərvəti 200 milyard dollar qiymətləndirilir ki, bu da Maskın sərvətindən 2 milyard dollar çoxdur. Bezos sonuncu dəfə 2021-ci ildə lider olub.

"Amazon"un bu il 17% artımı Bezosun zirvəyə qayıtması üçün katalizator olub. Bezos "Amazon"un 9%-nə sahib olduğu üçün onun şəxsi sərvəti birbaşa şirkətin səhmlərinin qiymətindən asılıdır.

Qeyd edək ki, son 9 ayda ən varlılar siyahısına hakim olan İlon Mask hazırda ikinci yerdədir. 2024-cü ildə "Tesla"nın səhm qiymətinin 24% azalması onu geriyə itələyib.