Şimali Koreya Seulu vurmağa qadir olan artilleriya qurğularının təlimini keçirib

Şimali Koreyanın Xalq Ordusu Cənubi Koreyanın paytaxtı Seulu vurmağa qadir olan artilleriya qurğularının təlimini keçirib.

"Operativ Media" xəbər verir ki, Koreya Xalq Demokratik Respublikasının sədri Kim Çen In təlimin gedişini müşahidə edib. Qeyd edək ki, Cənubi Koreyanın paytaxtı Seul Şimali Koreya ilə sərhəddən 24 kilometr aralıda yerləşir. Şimali Koreya bəyanat yayaraq bildirib ki, təlimlər son ABŞ-Cənubi Koreya birgə təlimlərinə cavabdır. Vaşinqton-Seul tandemi isə bunu Cənubi Koreyaya qarşı təhdid olaraq qiymətləndirib.