Ağcabədidə 4 ədəd kalibrli tüfəng polisə təhvil verilib

Ağcabədi rayonunda vətəndaşlarda qanunsuz olaraq saxlanılan odlu silah-sursatların könüllü təhvil verilməsi istiqamətində Rayon Polis Şöbəsinin əməkdaşlarının həyata keçirdikləri profilaktik tədbirlər davam etdirilir.

DİN-in Mətbuat Xidmətinin Bərdə regional qrupundan "Operativ Media"ya bildirilib ki, görülən işlərin nəticəsi olaraq daha 4 ədəd müxtəlif kalibrli tüfəng könüllü təhvil verilib. Vətəndaşlara bu nümunəvi davranışları üçün təşəkkür olunub.

Bundan başqa, ötən gün rayon ərazisindən aşkar olunan 1 ədəd "Kalaşnikov" markalı avtomat və xeyli sayda patron da polis əməkdaşları tərəfindən həmin ünvandan götürülüb.