Bayden: Tramp seçkilərdə qalib gələrsə, diktator olmaq istəyir
ABŞ prezidenti Co Bayden (Demokratik Partiya) sələfi Donald Trampın (Respublika Partiyası) noyabrda keçiriləcək seçkilərdə qalib gələcəyi təqdirdə diktator olmaq istədiyinə inanır.
"Operativ Media" xəbər verir ki, bunu ABŞ-nin prezidenti Co Bayden Atlanta şəhərində keçirilən seçki kampaniyası zamanı deyib.
"O, diktator olmaq istədiyini deyəndə, mən ona inanıram. O, bütün dünyada diktatorlara və avtoritar quldurlara rəğbət bəsləyir", - Bayden qeyd edib.
"Dünən o, Macarıstanın baş naziri Viktor Orbanı öz klubunda qəbul etdi, o, demokratiyanın işləmədiyini söyləyib və onu fantastik lider adlandırıb", - ABŞ prezidenti davam edib.
"O dedi ki, Şimali Koreya lideri Kim Çen In ona gözəl məktub yazıb. O, Çin prezidenti Si Tsinpinə yenidən zəng etməklə öyündü. Mən bu sitatları uydurmuram", - Bayden əlavə edib.
