"Baksol" yolunda aparılacaq təmirlə əlaqədar 71 nömrəli marşrutun hərəkət sxemi dəyişdirilir

Bakının Binəqədi rayonu, "Baksol" yolunda 16-18.12.2022-ci il tarixlərində aparılacaq təmir işləri ilə əlaqədar nəqliyyat vasitələrinin hərəkətinə müvəqqəti məhdudiyyət tətbiq ediləcək.

Bakı Nəqliyyat Agentliyindən "Operativ Media"ya verilən məlumata görə, bu səbəbdən məhdudiyyətlərə uyğun olaraq 71 nömrəli marşrutun hərəkət sxemi müvəqqəti dəyişdirilərək “Azadlıq prospekti” metro stansiyası - Baksol yolu (məhdudiyyət tətbiq edilən hissəyə qədər) istiqamətində fəaliyyəti təşkil ediləcək.