Daha bir rayonda piyadaların rahat və təhlükəsiz hərəkəti üçün yeni piyada zolaqları salınıb

Baş DYP İdarəsi tərəfindən "Təhlükəsiz piyada, təhlükəsiz yol" devizi altında həyata keçirilən növbəti yol nişanlanma işləri Bərdə şəhərində icra olunub.

"Operativ Media" xəbər verir ki, bu barədə DYP məlumat yayıb.

Qeyd olunub ki, vətəndaşların müraciətləri, eləcə də aparılmış təhlillər əsasında qabaqcadan müəyyən edilmiş yol sahələrində piyadaların rahat və təhlükəsiz hərəkəti üçün “Siqnal İLİ” İdarəsi tərəfindən yeni eyni səviyyəli piyada keçidlərinin salınması və silinmiş nişanlanma xətlərinin bərpası işi aparılıb.