Stoltenberq: Makronun Ukraynaya qoşun göndərilməsi ilə bağlı fikirlərini bölüşmürəm

NATO-nun baş katibi Yens Stoltenberq Fransa prezidenti Emmanuel Makronun Qərb qoşunlarının Ukraynaya göndərilməsi ilə bağlı bəyanatını dəstəkləmədiyini bildirib.

"Operativ Media" xəbər verir ki, bu barədə Stoltenberq "Reuters"ə müsahibəsində deyib.

"NATO-nun Ukraynaya qoşun yeritmək planı yoxdur, nə alyans, nə də onun müttəfiqləri münaqişə tərəfidir", - baş katib qeyd edib.

Makronun Qərb qoşunlarının Ukraynaya mümkün daxil olması ilə bağlı səhvə yol verib-verməməsi sualını cavablandıran NATO-nun baş katibi bu kimi məsələlərdə ümumi yanaşmaya riayət etməyin vacibliyini vurğulayıb. O qeyd edib ki, ayrı-ayrı NATO ölkəsinin münaqişəyə müdaxiləsi üzvləri "kollektiv müdafiə" prinsipi ilə bağlı olan bütün alyansa təsir edəcək.