Xarici Kəşfiyyat Xidməti: ABŞ Rusiyada keçirilən prezident seçkilərinə müdaxilə etməyə çalışır

"Müxalif internet resursları Vaşinqtonun təhriki ilə rusları dövlət başçısının seçimlərinə məhəl qoymamağa çağırır". 

"Operativ Media" "İzvestiya"ya istinadən xəbər verir ki, bu barədə martın 11-də Rusiya Xarici Kəşfiyyat Xidmətinin mətbuat xidməti məlumat yayıb.

"ABŞ həmçinin aparıcı İT mütəxəssislərinin iştirakı ilə uzaqdan elektron səsvermə sisteminə kiberhücumlar həyata keçirməyi planlaşdırır. Bu cür təxribatın təşəbbüskarları seçicilərin əhəmiyyətli hissəsinin səslərinin hesablanmasını qeyri-mümkün etmək istəyirlər", - məlumatda qeyd edilib.

Bundan əlavə, bildirilib ki, ABŞ prezidenti Co Bayden administrasiyası seçkinin nəticələrini şübhə altına almaq üçün Amerika QHT-lərinə qarşıdan gələn 15-17 martda keçiriləcək səsvermədə seçici fəallığını azaltmağa çağırır.

Xatırladaq ki, 2024-cü ildə Rusiyada prezident seçkiləri keçiriləcək. Seçkilər üç gün davam edəcək. Səsvermə martın 15-dən 17-dək keçiriləcək. Uzaqdan elektron səsvermədə iştirak etmək üçün 4,5 milyon insan müraciət edib.