Bakı Metropolitenində oğurluq əməllərinə qarşı tədbirlər davam etdirilir. 

DİN-dən "Operativ Media"ya verilən xəbərə görə, polis əməkdaşlarının keçirdikləri əməliyyat-axtarış tədbirləri nəticəsində metronun müxtəlif stansiyalarında cibgirlik yolu ilə iki və daha artıq şəxsdən mobil telefon və pul oğurlamaqda şübhəli bilinən 1994-cü il təvəllüdlü Samil Kərimov, 1990-ci təvəllüdlü Adil Paşayev saxlanılıb.

Onların əməllərindən zərərçəkən başqa şəxslər varsa polisə müraciət etmələri tövsiyə olunur.

Metropolitendə Polis Şöbəsində araşdırmalar davam etdirilir.