Rusiyanın nə qədər nüvə silahı var?

Rusiya Prezidenti Vladimir Putin Qərbə xəbərdarlıq edib ki, Rusiya texniki cəhətdən nüvə müharibəsinə hazırdır və Birləşmiş Ştatlar Ukraynaya qoşun göndərərsə, bu addım müharibənin əhəmiyyətli dərəcədə eskalasiyası hesab olunacaq .

RUSİYANIN NEÇƏ NÜVƏ SİLAHI VAR?

Sovet İttifaqının nüvə silahını miras almış Rusiya dünyanın ən böyük nüvə başlıqları anbarına malikdir.

"Operativ Media" xəbər verir ki, Amerika Alimlər Federasiyasının (FAS) məlumatına görə, Rusiya 5580 nüvə başlığına nəzarət edir.

FAS-a görə, onlardan 1200-ə yaxını istifadəyə yararsızdır, lakin, təxminən 4380-i uzunmənzilli strateji atıcılar və daha qısa mənzilli taktiki nüvə qüvvələri tərəfindən istifadə üçün ehtiyatda saxlanılır.

FAS, yığılmış döyüş başlıqlarından 1710 strateji döyüş başlığının yerləşdirildiyini bildirib: təxminən 870-i quruda yerləşən ballistik raketlərdə, 640-ı sualtı qayıqlardan buraxılan ballistik raketlərdə və ehtimal ki, 200-ü ağır bombardmançı bazalarda.