İtaliyanın müdafiə naziri: Roma İsrailə silah tədarükünü dayandırıb

"2023-cü il oktyabrın 7-dən sonra Roma İsrailə silah ötürməyib".

"Operativ Media" xəbər verir ki, bunu İtaliyanın müdafiə naziri Quido Krosetto bildirib.

"Oktyabrın 7-dən sonra səlahiyyətli təşkilatdan silahların İsrailə ötürülməsi üçün yeni icazələr alınmadı. Bu da tədarükün dayandırılmasına səbəb oldu. Oktyabrın 7-nə qədər verilmiş lisenziyalar artıq böyük ölçüdə yerinə yetirilib", - nazir Senatda (parlamentin yuxarı palatası) çıxış edərkən deyib.

O, həmçinin izah edib ki, artıq icazə verilmiş və göstərilən tarixə qədər satılmayan tədarüklər "siyahıda Qəzza zolağının sakinlərinə zərər verə biləcək materialların olmaması" üçün təkrar yoxlamalara məruz qalıb.