Fransa, Almaniya və Polşa liderləri Ukraynaya yardım üçün birgə yanaşma hazırlamağa çalışırlar

Fransa prezidenti Emmanuel Makron, Almaniya kansleri Olaf Şolts və Polşanın baş naziri Donald Tusk Berlində görüşüb.

"Operativ Media" xəbər verir ki, bu barədə BBC məlumat yayıb.

Görüş zamanı Makron bəyan edib ki, Ukraynadakı vəziyyət fransızların və bütün avropalıların təhlükəsizliyini təhdid edir. Onun sözlərinə görə, Rusiya qüvvələri qalib gəlsə, Avropada təhlükəsizlik sıfıra enəcək.

Öz növbəsində, Şolts açıq şəkildə daha ehtiyatlı mövqe ifadə edib. Xüsusilə, o, Almaniyanın "Taurus" qanadlı raketlərinin Ukrayna ərazisində yerləşdirilməsini istisna edib.

Qeyd edək ki, son aylarda Ukrayna ordusu silah çatışmazlığı ilə üzləşib.