Borrel: "Qəzza zolağı münaqişələr nəticəsində nəzarətsiz əraziyə çevrilib"

Qəzza zolağı İsrail ordusunun Fələstin anklavına qarşı genişmiqyaslı əməliyyatı nəticəsində nəzarətsiz əraziyə çevrilib.

"Operativ Media" xəbər verir ki, bunu Aİ diplomatiya rəhbəri Cosep Borrel beynəlxalq humanitar yardım forumunda çıxışı zamanı deyib.

O bildirib ki, Qəzza zolağı artıq heç kimin - nə HƏMAS-ın, nə də İsrailin nəzarətində deyil. Qəzza ərazisi daha çox Somali və ya Suriya kimi heç bir əmr və ya hökumətin olmadığı bir əraziyə çevrilir.

Borrellin sözlərinə görə, ərazilər silahlı qruplar və qaçaqmalçıların nəzarətinə keçir. Vətəndaşların yalnız iki yolu qalıb: mühacirət və ya terrorizm.