Paris Rusiya və Çinin ABŞ layihəsinə veto qoymasından sonra BMT Təhlükəsizlik Şurasında Yaxın Şərq qətnaməsinin yeni mətni üzərində işləmək niyyətindədir. 

"Operativ Media" xəbər verir ki, bu barədə Fransa prezidenti Emmanuel Makron Brüsseldə Aİ sammitinin yekunlarını şərh edərkən bildirib.

"Biz amerikalı, avropalı və ərəb tərəfdaşlarımızla birlikdə Fransanın hazırlayacağı qətnamə layihəsi üzərində işləyəcəyik", - deyə Makron Yelisey qeyd edib.

Xatırladaq ki, bundan əvvəl Rusiya və Çin BMT Təhlükəsizlik Şurasında veto hüququndan istifadə edərək ABŞ-nin təqdim etdiyi Yaxın Şərq qətnamə layihəsini əngəlləyib. Rusiya və Çindən başqa, Əlcəzair də sənədə qarşı çıxıb.