Rusiyanın Moskva vilayətinin Krasnoqorsk şəhərindəki “Krokus siti holl” konsert zalında baş vermiş terror aktı nəticəsində yaralananlar sayı 130-a çatıb, 40 nəfər ölüb.

“Operativ Media” xəbər verir ki, bu barədə “112” teleqram kanalı bildirib.//Report//

***

22:16

Rusiyanın Moskva oblastının Krasnoqorsk şəhərində yerləşən “Krokus Siti Holl”da insanlara atəş açılıb. Baş vermiş silahlı hücumda 40 nəfər ölüb, 100-dən çox yaralanan var.

“Operativ Media” xəbər verir ki, bu barədə “112” teleqram kanalı məlumat yayıb.

“Ostorojno, novosti”, “Baza” və “Mash” teleqram kanalları da sözügedən hadisə ilə bağlı paylaşımlar edib.

Şahidlərin sözlərinə görə, naməlum şəxs avtomat silahdan insanlara atəş açmağa başlayıb. Hazırda ərazidə genişmiqyaslı yanğın başlayıb.//Report//