Lukaşenko və Putin təhdidlərə cavab vermək üçün əməkdaşlığa hazır olduqlarını bildiriblər

Telefon danışığı zamanı Belarus və Rusiya prezidentləri Aleksandr Lukaşenko və Vladimir Putin terror təhdidlərinə cavab vermək üçün müvafiq xidmətlər arasında qarşılıqlı fəaliyyətə və əlaqə saxlamağa hazır olduqlarını təsdiqləyiblər. 

"Operativ Media" xəbər verir ki, bu barədə Belarus liderinin mətbuat xidməti məlumat yayıb.

Qeyd olunur ki, Moskva vilayətində baş vermiş terror aktı ilə əlaqədar Belarus dövlətinin başçısı bir daha şəxsən rusiyalı həmkarına dərin hüznlə başsağlığı verib. Eyni zamanda, prezidentlər terrorizm və ekstremizm təhdidlərinə effektiv cavab vermək üçün iki ölkə arasında gələcək fəal qarşılıqlı fəaliyyətə və müvafiq xidmətlər arasında təmasların davam etdirilməsinə hazır olduqlarını təsdiqləyiblər.