Venesuela ABŞ-ni müxalif cinayətləri dəstəklədiyinə görə qınayıb

Venesuela prezident seçkiləri ərəfəsində ölkədə sabitliyi pozmağa çalışan ifrat sağçı müxalifətin cinayətkar əməllərinə dəstək verdiyi üçün ABŞ-nin hərəkətlərini pisləyib. 

"Operativ Media" xəbər verir ki, bu barədə Venesuela Xarici İşlər Nazirliyi məlumat yayıb.

"Venesuela Bolivar Respublikası hökuməti ABŞ Dövlət Departamentinin ABŞ-nin və siyasi zorakılıq mühiti yaratmağa çalışan Venesuela müxalifətinin bir hissəsinin maraqlarına xidmət edən cinayət əməllərinin müdafiəsi ilə bağlı bəyanatını qəti şəkildə rədd edir", - deyə xarici siyasət idarəsinin bəyanatında bildirilir.

Xarici İşlər Nazirliyinin bəyanatında deyilir ki, təkcə 2023 və 2024-cü illər ərzində Venesuela hakimiyyəti yeddi sui-qəsdin effektiv şəkildə zərərsizləşdirilməsinə, hərbi hədəflərə hücumların və Bolivar İnqilabının yüksək rəhbərliyinin həyatına qəsdlərin qarşısının alınmasına nail olub. Sənəddə vurğulanır: "Dövlət Departamentinin cinayətkarları müdafiə etməsi cinayətkarları, terrorçuları və sui-qəsdçiləri qurbana çevirmək məqsədi daşıyır. Venesuela xalqı və hökuməti bu cür təcrübələri rədd edir".

Cümə günü yaydığı bəyanatda Dövlət Departamenti bildirib ki, ABŞ administrasiyası Venesuelalı müxalifətçilərin saxlanmasını “müxalifətə qarşı təqiblərin narahatlıq doğuran genişlənməsi” kimi qiymətləndirir. ABŞ Xarici İşlər Nazirliyinin fikrincə, bu cür hərəkətlər “rəqabətli seçkilərin keçirilməsi imkanını sarsıdır”.