Türkiyədə yaşamaq icazəsini yeniləmək üçün əlavə sənəd tələb olunacaq

Aprelin 15-dən Türkiyədə yaşamaq icazəsinin uzadılması üçün əlavə sənəd tələb olunacaq.

"Operativ Media" xəbər verir ki, bu barədə ölkənin Miqrasiya İdarəsi məlumat yayıb.

İdarənin məlumata görə, aprelin 15-dən etibarən əcnəbilər yaşayış icazəsinin uzadılması üçün sənədlər paketini təqdim edərkən UETS (milli elektron bildiriş sistemi) ünvanını da təqdim etməlidirlər.

Əcnəbilər bu sənədi poçt şöbələrində pasport və etibarlı yaşayış icazəsi ilə müraciət edərək, ərizə dolduraraq, elektron poçt və telefon nömrələri haqqında məlumat verərək əldə edə bilərlər.