İran və Əfqanıstan sərhədçiləri cümə axşamı iki ölkənin sərhədində silahlı toqquşmalara yol verməyib. 

"Operativ Media" xəbər verir ki, bu barədə İranın Sistan və Bəlucistan əyalətinin təhlükəsizlik məsələləri üzrə müavini Əlirza Mərhəməti məlumat verib.

"Bu gün günortadan sonra Əfqanıstanla sərhəddə kiçik münaqişə baş verib, indi həll olunub", - IRNA xəbər agentliyi onun sözlərindən sitat gətirib .

Mərhəməti qeyd edib ki, heç bir "toqquşma" olmayıb və sərhəd açıqdır.

Bundan əvvəl Əfqanıstanın "Aamaj News" agentliyi mənbələrə istinadən məlumat vermişdi ki, Taliban hərəkatının tərəfdarları Əfqanıstanın cənub-qərbindəki Nimroz əyalətində İran sərhədçiləri ilə döyüşə giriblər. Agentliyin həmsöhbətlərinin sözlərinə görə, Taliban iranlı sərhədçilərdən birini saxlayıb və qarşıdurma səbəbindən sərhəd bağlanıb.