İsrail ordusu Qəzzada əcnəbi könüllülərin maşınlarına hücumla bağlı araşdırmasını başa çatdırıb.

"Operativ Media" "The Jerusalem Post"a istinadən xəbər verir ki, atəş açmaq əmrini verən yüksək rütbəli zabitlərin işdən çıxarılmasına qərar verilib.

Ordu humanitar konvoya zərbə endirilməsini "ciddi səhv" adlandırıb və hədəfin səhv müəyyən edildiyini bildirib.

Nəticədə atəş açan briqada komandiri və qərargah rəisi vəzifələrini itirəcək. Bundan başqa, üç zabitə töhmət verilib.

Qeyd edək ki, İsrailin atəşi nəticəsində 7 nəfər həlak olub.