ABŞ Müdafiə Nazirliyi (Pentaqon) iddia edir ki, Rusiya və Çinin kosmosa silahların yerləşdirilməməsinə dair beynəlxalq müqavilə hazırlamaq təklifləri sadəcə "siyasi hiylə"dir.

" Operativ Media" xəbər verir ki, bunu Pentaqon rəhbərinin Kosmik Siyasət üzrə köməkçisi Con Plum bildirib. 

"İndi mənim fikrim budur ki, bunlar siyasi hiylələrdir və dürüst cəhdlər deyil", - Plum qeyd edib.

Pentaqonun sözçüsü həmçinin hesab edir ki, Moskva və Pekinin təşəbbüslərini yoxlamaq mümkün deyil.

Qeyd edək ki, 2024-cü ilin fevralında ABŞ hökuməti, o cümlədən prezident Co Bayden səviyyəsində Rusiyanı sübut təqdim etmədən Rusiya Federasiyasının kosmosda nüvə silahı yerləşdirmə imkanını nəzərdən keçirməkdə ittiham edib. Rusiya liderinin mətbuat katibi Dmitri Peskov jurnalistlərlə söhbətində belə nəşrləri Ağ Evin növbəti hiyləsi adlandırıb.