Yaponiya zəlzələdən zərər çəkmiş Tayvana bir milyon dollar dəyərində təcili yardım göndərəcək

Yaponiya hökuməti zəlzələdən zərər çəkən Tayvana bir milyon dollarlıq təcili yardım göndərəcək.

"Operativ Media" xəbər verir ki, bu barədə Yaponiya xarici işlər naziri Kamikava Yoko bildirib.

"Sadiq dostlar kimi Yaponiya və Tayvan qarşılaşdığımız hər bir çətinlikdə bir-birini dəstəkləyiblər", - vurğulayıb.

Bildirilib ki, qida, su və tibbi ləvazimatlar daxil olmaqla 1 milyon dollar dəyərində təcili yardım "Yaponiya-Tayvan Mübadilə Assosiasiyası" vasitəsilə bölgəyə köçürüləcək.

Qeyd edək ki, aprelin 3-də Tayvanın şərq sahilindəki baş verən 7,4 bal gücündəki zəlzələ nəticəsində 12 nəfər ölüb, 1133 nəfər xəsarət alıb.