Pakistanın baş naziri İslamabaddakı İran səfirliyinə baş çəkib

Pakistanın baş naziri Şehbaz Şərif, İran prezidenti İbrahim Rəisi və hökumət həmkarları xarici işlər naziri Hüseyn Əmirabdollahyanın İranın şimal-qərbində helikopterin qəzaya uğraması nəticəsində şəhid olması ilə bağlı başsağlığı vermək üçün İslamabaddakı İran səfirliyinə baş çəkib.

"Operativ Media" xəbər verir ki,  baş naziri səfir Rza Əmiri Moqaddam qarşılayıb.

Şərif mərhum prezident Rəisinin və şəhid həmkarlarının xatirəsinə açılan kitabı da imzalayıb.

Pakistandakı xarici səfirlər və ölkənin yüksək səviyyəli siyasi və mədəniyyət xadimləri də hadisə ilə bağlı başsağlığı vermək üçün bu gün İran səfirliyinə baş çəkiblər.