Britaniya: Netanyahunun həbsi Qəzzada müharibəyə son qoymayacaq

İsrailin baş naziri Binyamin Netanyahunun mümkün həbsi Qəzza zolağında münaqişənin həllinə səbəb olmayacaq.

"Operativ Media" xəbər verir ki, bu fikirləri "The Daily Telegraph" verdiyi açıqlamasında Britaniya hökumətinin nümayəndəsi bildirib.

"Biz düşünmürük ki, Netanyahunun həbsi üçün order əldə etmək girovları azad etməyə, humanitar yardımın Qəzzaya çatdırılmasına və ya Böyük Britaniyanın prioriteti olaraq qalacaq davamlı atəşkəsin təmin olunmasına kömək edəcək", - deyə mənbə qeyd edib. 

Britaniya hökuməti əlavə edib ki, Beynəlxalq Cinayət Məhkəməsi (ICC) bu məsələdə yurisdiksiyaya” malik deyil: "Böyük Britaniya hələ Fələstini bir dövlət kimi tanımayıb və İsrail Roma Statutunun tərəfi deyil".