Qırğızıstanda əcnəbilərə hücum etməkdə şübhəli bilinən 7 nəfər saxlanılıb

Qırğızıstan Daxili İşlər Nazirliyinin əməkdaşları ötən həftəsonu iğtişaşlar zamanı əcnəbilərə hücum etməkdə şübhəli bilinən 7 vətəndaşı saxlayıblar.

"Operativ Media" xəbər verir ki, bu barədə nazirliyin mətbuat xidmətindən jurnalistlərə bildiriblər.

Məlumata görə, 2024-cü il mayın 18-də 7 aprel küçəsi ilə Çuy bulvarının kəsişməsində naməlum şəxslər neqativ mesajlar yaymaq, ictimai asayiş normalarını kobud şəkildə pozmaq, ölkədə kütləvi iğtişaşlar təşkil etmək məqsədi ilə qeyri-qanuni olaraq yataqxanaya daxil olublar.

Bildirib ki, onlar əcnəbi vətəndaşlara bədən xəsarəti yetirməklə yanaşı, həm də maddi ziyan vurublar.