Rusiya XİN: "Moskva Tokio ilə münasibətlərin bərpası istiqamətində ilk addımı atmayacaq"

Rusiya Federasiyası Tokionun anti-Rusiya siyasətinə görə Yaponiya ilə münasibətlərin bərpası istiqamətində ilk addımı atmayacaq.

"Operativ Media" xəbər verir ki, bu barədə Rusiya Xarici İşlər Nazirliyinin üçüncü Asiya departamentinin direktoru Lyudmila Vorobyova deyib.

Diplomat Yaponiyanın bu ilin martında 22-ci sanksiya paketini qəbul etdiyini və bunun səbəbinin iki ölkə arasındakı münasibətlərlə heç bir əlaqəsinin olmadığını xatırladıb.

“Aydındır ki, biz bu şərtlər daxilində siyasi təmasların bərpasına təşəbbüs göstərmək niyyətində deyilik. Onları pozmaq Yaponiya tərəfinin seçimidir və münasibətlərin gələcəyini düşünmək onların öz ixtiyarındadır”, - Vorobyova bildirib.

O vurğulayıb ki, normal dövlətlərarası dialoqa qayıtmaq üçün Tokio ilk növbədə anti-Rusiya siyasətindən əl çəkdiyini praktikada sübut etməlidir.

"Tokio konstitusiyaya uyğun olaraq silahlı qüvvələrdən azad olunma bəndini ləğv edərsə, Moskva əks tədbirlər görəcək. Bununla yanaşı, Rusiya Federasiyası Yaponiya hakimiyyətinin ölkəni hərbiləşdirmək cəhdlərini diqqətlə izləyir", - Lyudmila Vorobyova əlavə edib.