BMT Srebrenitsa soyqırımı ilə bağlı qətnamə qəbul edib

BMT Baş Assambleyası Qərb ölkələrinin Srebrenitsada soyqırımı ilə bağlı təqdim etdiyi qətnamə layihəsinin lehinə səs verib.

"Operativ Media" xəbər verir ki, "1995-ci ildə Srebrenitsa soyqırımını Beynəlxalq Anma Günü" adlı sənədin lehinə 84 ölkə, Rusiya və Çin də daxil olmaqla 19 ölkə əleyhinə səs verib, 68 ölkə isə səsvermədə bitərəf qalıb.

Qətnamə layihəsini Bosniya və Herseqovina, Ruanda və Almaniyanın nümayəndələri təbliğ ediblər və layihənin həmmüəllifləri əsasən Qərb ölkələri olub. 

Öz növbəsində Serbiya Prezidenti Aleksandr Vuçiç qeyd edib ki, Qərb beynəlxalq arenada müstəqil mövqeyə malik bütün ölkələr üçün siyasi cəzanın qaçılmazlığını göstərmək üçün qətnamə layihəsini irəli sürür.