İyun ayında planetlərin paradı olacaq

İyunun 3-də dörd planetin bir-birinə yaxın düzüldüyü planet paradı baş verəcək.

"Operativ Media" xəbər verir ki, bunu Moskva Planetariumunun metodiki təminat şöbəsinin rəhbəri Lyudmila Koşman deyib.

O bildirib ki, hər 20 ildən bir təkrarlanan bu hadisəni Yer kürəsinin sakinləri gündüz səmasında müşahidə edə bilməyəcəklər. Nadir səma hadisəsi Şimal yarımkürəsində günəş doğmadan əvvəl görünəcək:

"İyunun 3-də dörd planet - Venera, Yupiter, Merkuri və Uran Günəşə yaxın 20-30 dərəcə sektorda olacaq. Səhər isə bütün yeddi planet Günəşin bir tərəfində təxminən 90 dərəcə sektorda (şimal-şərqdən cənub-şərqə üfüqdə) bu ardıcıllıqla yerləşəcək: Günəş, Venera, Yupiter, Merkuri, Uran, Mars, Neptun və Saturn. İyunun əvvəlində onlara sönən Ay qoşulacaq və həmin gün Marsa yaxın olacaq. Bütün bu planetlərdən yalnız Saturn qısa müddət ərzində görünəcək - iyunun əvvəlində sübh çağında, onu günəş çıxmazdan əvvəl üfüqdə aşağı səviyyədə müşahidə etmək olar. Qalan planetlər Günəşin parlaq səhər şüalarında itir. Ona görə də bu, görünməz "planet paradıdır", - deyə alim bildirib.