İsrail İspaniyanın konsulluğuna qoyulan məhdudiyyətləri aradan qaldırmaq tələbini rədd edib

İsrail İspaniyanın xarici işlər naziri Manuel Albaresin Şərqi Qüdsdəki konsulluğuna qoyulan məhdudiyyətləri aradan qaldırmaq tələbini rədd edib.

"Operativ Media" xəbər verir ki, bu barədə İsrailin xarici işlər naziri Yisrael Katz sosial media hesabında açıqlama verib.

Katz İspaniyanın Şərqi Qüdsdəki konsulluğu ilə işğal altındakı İordan çayının qərb sahilində yaşayan fələstinlilər arasındakı əlaqənin İsrailin milli təhlükəsizliyinə təhdid olacağını iddia edərək bunun tamamilə qadağan ediləcəyini qeyd edib.

O deyib ki, İspaniyanın Şərqi Qüdsdəki konsulluğuna qoyulan məhdudiyyətlər ciddi şəkildə tətbiq ediləcək və pozulma halları olarsa, İspaniyanın Qüdsdəki konsulluğunun bağlanmasına qədər əlavə tədbirlər görüləcək.

Qeyd edək ki, İsrail Xarici İşlər Nazirliyi Fələstin dövlətini tanıyacağını elan etdikdən sonra İspaniyanın Şərqi Qüdsdəki konsulluğundan iyunun 1-dən etibarən İordan çayının qərb sahilində yaşayan fələstinlilərə xidmətin dayandırılmasını istəyib.