Stoltenberq: NATO Ukraynaya yardımı daha yaxşı əlaqələndirməlidir

Şimali Atlantika Alyansı Ukraynaya hərbi yardımın çatdırılmasını daha yaxşı əlaqələndirməlidir.

"Operativ Media" xəbər verir ki, bunu NATO-nun baş katibi Yens Stoltenberq Çexiya televiziyasına müsahibəsində deyib.

"NATO xarici işlər nazirlərinin iclasında bağlanan qeyri-rəsmi razılaşma gecikmələrin qarşısını almaq üçün NATO-nun Ukraynaya yardım nəqlini koordinasiya etmək məqsədi ilə daha çox iş görməsi ideyasına böyük dəstək verir", - məlumatda qeyd olunub.

Kiyevə hərbi dəstəyin göstərilməsinin əlaqələndirilməsinin səmərəliliyinə misal olaraq, baş katib Qərb dövlətləri hesabına Ukrayna Silahlı Qüvvələri üçün üçüncü ölkələrdən döyüş sursatının alınması ilə bağlı Çexiya təşəbbüsünün həyata keçirilməsini göstərib.

Stoltenberqin sözlərinə görə, Praqa görüşündə NATO ölkələrinin Kiyevə hər il 40 milyard dollar ayırması ideyası müzakirə edilib, onun müdafiə hüquqları beynəlxalq hüquq normalarına uyğun həyata keçiriləcək. Onun fikrincə, Rusiya rəhbərliyi Ukraynanı və onun NATO müttəfiq dövlətlərinin dəstəyini lazımi səviyyədə qiymətləndirməyib: "Biz Moskvaya nümayiş etdirməliyik ki, Ukraynaya uzunmüddətli dəstək verməyə hazırıq".