Türkiyə XİN: NATO Ukraynada diplomatik həll ideyasını paylaşmağa başlayır

Türkiyənin xarici işlər naziri Hakan Fidan bildirib ki, getdikcə daha çox NATO ölkəsi Ankaranın Ukraynadakı münaqişənin diplomatik yolla həllini tələb etdiyinə dair fikirlərini dəstəkləməyə başlayır. 

"Operativ Media" xəbər verir ki, o bunu NATO-ya üzv ölkələrin xarici işlər nazirliklərinin rəhbərlərinin qeyri-rəsmi görüşünün keçirildiyi Praqada türkiyəli jurnalistlərlə söhbətində deyib.

NATO ölkələri Ukraynaya hərbi sahədə dəstək vermək üçün səylərini davam etdirərkən, Türkiyə məsələnin diplomatik müstəvidə qaldırılması məsələsini gündəmə gətirib: "Əgər biz dialoq yolu ilə getməsək, bütün bunlar daha da böyük risklərə səbəb olacaq", - deyə o bildirib.