Macarıstan NATO-nun Ukraynaya yardım ayırmaq təklifi ilə razılaşmır

NATO rəhbərliyi Ukraynaya hər il 40 milyard dollar hərbi yardım ayırmağı təklif edir, lakin Macarıstan bu təklifdə yalnız Avropada müharibə olacağı təqdirdə iştirak edəcək.

"Operativ Media" xəbər verir ki, bunu Praqada Şimali Atlantika Alyansı ölkələrindən olan həmkarları ilə görüşdə iştirak edən Macarıstanın xarici işlər və xarici iqtisadi əlaqələr naziri Peter Siyarto deyib.

"NATO rəhbərliyi hər il 16 trilyon forint (40 milyard dollar) toplamağı təklif edir. Əlbəttə, mən qeyd etdim ki, Macarıstan bu təklifdə yalnız Vaşinqton müqaviləsinə əsasən, Avropada müharibə olarsa, maliyyə cəhətdən iştirak edəcək", - Sijarto bildirib.

O vurğulayıb ki, hazırda heç kim NATO ölkələrini təhdid etmir və ona görə də Macarıstan alyans rəhbərliyinin bu mövqeyi ilə razı deyil.