"OPEC+" ölkələri neft hasilatının könüllü azaldılmasını bərpa edəcək

"OPEC+" ölkələri neft hasilatı ilə bağlı qərarını açıqlayıb.

"Operativ Media" xəbər verir ki, bu barədə Rusiya Nazirlər Kabineti məlumat yayıb.

Məlumata görə, Ər-Riyadda keçirilən "OPEC+" toplantısında Əlcəzair, İraq, Səudiyyə Ərəbistanı, Küveyt, BƏƏ, Qazaxıstan, Rusiya və Oman nümayəndələri iştirak ediblər. İclasda təşkilat üzvləri bu ilin oktyabrından başlayaraq neft hasilatının könüllü azaldılmasını qismən və mərhələli şəkildə bərpa etmək qərarına gəliblər.