Polşalı fermerlər Ukrayna sərhədindəki keçid məntəqəsini bağlayıblar

Etiraz edən polşalı fermerlər Ukrayna sərhədindəki Medıka-Şeqini keçid məntəqəsini bağlayıblar.

"Operativ Media" xəbər verir ki, bu barədə Ukraynanın “Strana.UA” nəşri məlumat yayıb.

Bildirilib ki, yük maşınlarının Ukraynadan çıxmasına ümumiyyətlə icazə verilmir. Saatda beş yük maşınının Polşanı tərk etməsinə icazə verilir.

Fermerlər Ukraynadan Polşaya taxıl məhsullarının idxalının azaldılmasını tələb ediblər. 

Etirazlar iyunun 30-dək davam edəcək.

Qeyd edək ki, Polşa fermerləri fevralın 9-da kütləvi etirazlara başlayıblar.