Estoniya XİN: Ukraynaya ildə 100 milyon avro ayırmaq məcburi deyil

Estoniyadan Ukraynaya hər il 100 milyon avro məbləğində maliyyə yardımının ayrılması məcburi deyil.

"Operativ Media" xəbər verir ki, bu barədə ölkənin Xarici İşlər Nazirliyi məlumat yayıb.

Bildirilib ki, müvafiq saziş tərəflərin üzərinə heç bir hüquqi öhdəlik qoymur.

“Bu, beynəlxalq müqavilə deyil, ikitərəfli siyasi niyyət bəyannaməsidir”, - nazirlik bildirib.

Qeyd edək ki, Vladimir Zelenski və baş nazir Kaja Kallasın imzalamağı planlaşdırdıqları sənədə görə, Tallin Ukraynaya hər il 100 milyon avrodan çox hərbi yardım edəcəyini vəd edir.