Meksika ABŞ-dən deportasiya edilən qeyri-qanuni mühacirlərin Meksika əvəzinə öz vətəndaşlıq ölkələrinə geri göndərilməsini təmin etməyə çalışacaqlarını bildirib.

"Operativ Media" xəbər verir ki, bununla bağlı Meksika prezidenti Andres Manuel Lopez Obrador mətbuat konfransında danışıb.

Obrador bildirib ki, ABŞ Meksikadan olmayan qeyri-qanuni mühacirləri deportasiya etmək qərarına gələrsə, onlar bu insanların Meksikaya deyil, birbaşa vətəndaşı olduqları ölkələrə göndərilməsini ehtiva edən razılaşma axtarırlar.

"Bizim ABŞ-dən deportasiya edilən qeyri-qanuni mühacirlərin Meksikaya göndərilməsi iləbağlı bir problemimiz yoxdur. Hamısına çox yaxşı yanaşırıq, amma niə onların birbaşa göndərilməsi üçün razılaşma olmasın?", - Obrador vurğulayıb.

Qeyd edək ki, ABŞ prezidenti Co Bayden iyunun 4-də ABŞ-Meksika sərhədini qeyri-qanuni mühacirlərin girişinə müvəqqəti bağlayan prezident fərmanını imzalayıb.