Moldova BVF-dən 160 milyon dollar kredit alacaq

Moldova parlamenti Beynəlxalq Valyuta Fondundan 160 milyon dollar məbləğində kreditin cəlb edilməsinə dair qanun layihəsini birinci oxunuşda təsdiqləyib.

"Operativ Media" xəbər verir ki, bu barədə qanunverici orqanın mətbuat xidməti məlumat yayıb .

Məlumata görə, məbləğ dövlət büdcəsinin ehtiyaclarının maliyyələşdirilməsinə yönəldiləcək. Kredit Moldovaya 20 il müddətinə veriləcək. Maliyyə yardımı almaq üçün Moldova iqlim dəyişikliyinin təsirlərinin azaldılmasına yönəlmiş 12 islahat həyata keçirməlidir.