Rusiya, Çin və İran nüvə sazişinin müddəalarının hələ də qüvvədə olduğunu düşünür

Moskva, Pekin və Tehran hesab edirlər ki, İranın nüvə proqramı ilə bağlı Birgə Hərtərəfli Fəaliyyət Planının (JCPOA) müddəaları tətbiq olunmaqda davam edir.

"Operativ Media" xəbər verir ki, bu barədə MAQATE-nin Rəhbərlər Şurasının sessiyasında üç ölkənin birgə bəyanatında deyilir.

"İran İslam Respublikası, Çin Xalq Respublikası və Rusiya Federasiyası bu fikirdədir ki, BMT Təhlükəsizlik Şurasının 2231 saylı qətnaməsində nəzərdə tutulduğu kimi, JCPOA-nın müddəaları hələ də tətbiq olunmağa davam edir. Son nümunələrdən biri 2023-cü ilin oktyabrında, Keçid Gününün gəlməsi ilə JCPOA İranla bağlı bir sıra qalan məhdudiyyətlərin müddətini başa vurdu", - məlumatda qeyd olunub.

Onlar xatırladıblar ki, BMT baş katibinin müavininin məktubuna əsasən, BMT Təhlükəsizlik Şurasının rəsmi saytından əvvəllər məhdudlaşdırıcı tədbirlərə məruz qalan 23 şəxsin və 61 strukturun siyahısı çıxarılıb.