İranın müvəqqəti xarici işlər naziri Türkiyəyə səfər edir

İranın müvəqqəti xarici işlər naziri Əli Baqiri Kani Qəzza müharibəsini müzakirə etmək üçün Türkiyənin İstanbul şəhərində keçiriləcək D-8 qrupunun toplantısında iştirak etmək üçün yola düşüb.

Bu barədə "Operativ Media" İran mediasına istinadən xəbər verir.

İnkişaf Etməkdə Olan Səkkizlik (D-8) İqtisadi Əməkdaşlıq Təşkilatına üzv ölkələrin xarici işlər nazirlərinin iyunun 8-də İstanbulda keçiriləcək fövqəladə toplantısı, İsrailin Qəzzada apardığı müharibəyə qarşı vahid cəbhə nümayiş etdirmək üçün D-8 ölkələri üçün böyük əhəmiyyət kəsb edir.