Ukrayna PUA-ları Dağıstana hücum edib

Ukrayna Silahlı Qüvvələrinə məxsus pilotsuz uçuş aparatları (PUA) Dağıstan ərazisinə hücum edib.

"Operativ Media" xəbər verir ki, bu barədə "Mash" teleqram kanalı məlumat yayıb.

Bildirilib ki, pilotsuz uçuş aparatlarından (PUA) biri avtomatla vurulub. İlkin məlumatlara görə, o, Rusiya regionunun Noqay bölgəsində neft yatağı yaxınlığında qəzaya uğrayıb.

Qəzaya uğrayan pilotsuz təyyarənin Mugin-5 Pro ola biləcəyi bildirilib. Pilotsuz təyyarənin uzunluğu 3,5 metr, qanadları isə 5 metrdir. O, saatda 150 kilometr sürətə çatır və buraxılışdan təyinat yerinə yeddi saat uça bilir.