KİV: İranda altı siyasətçi prezident seçkilərində iştirak hüququ qazanıb

İran Konstitusiyasının Keşikçilər Şurası respublikanın prezident seçkilərində iştirak edə biləcək altı siyasi xadimi seçib. 

"Operativ Media" xəbər verir ki, bu barədə "Tasnim" agentliyi məlumat yayıb.

Məlumata görə, İranda növbədənkənar prezident seçkilərində iştirak hüququ qazanan namizədlər İran parlamentinin sədri Məhəmməd Baqer Qalibaf, Tehranın meri Əlirza Zəkani, İran Ali Rəhbərinin İran İslam Təhlükəsizlik Şurasındakı nümayəndəsi Səid Cəlili, o cümlədən Əmir Hüseyn Qazizadə Haşimi, Mustafa Purməhəmmədi, və Məsud Pezeşkiandır.

Ən maraqlısı isə parlamentin keçmiş spikeri Əli Laricani və keçmiş prezident Mahmud Əhmədinejadın növbədənkənar seçkilərdə namizədliyinin təsdiq edilməməsi olub.