Malayziya D-8 ölkələrini İsraillə əlaqələri kəsməyə çağırıb

Malayziyanın xarici işlər naziri Məhəmməd Həsən inkişaf etməkdə olan D-8 qrupunu İsraillə bütün iqtisadi əlaqələri kəsməyə çağırıb.

"Operativ Media" xəbər verir ki, bu barədə nazir Türkiyənin İstanbul şəhərində keçirilən D-8 xarici işlər nazirlərinin fövqəladə toplantısında bildirib.

O, D-8 üzvlərini blokla Fələstin Dövləti arasında əməkdaşlığı qurmağa və rəsmiləşdirməyə çağırıb.

“Malayziya və D-8-ə üzv dövlətlər İsrailin Qəzza zolağında və bütün İşğal olunmuş Fələstin Ərazilərində (OPT) davam edən təcavüzünü kəskin şəkildə pisləyərək Fələstin xalqı ilə həmrəy olduqlarını təsdiqlədilər”, - nazir qeyd edib.