Polşa ukraynalı qaçqınların qalma müddətini uzadıb

Polşa prezidenti Anjey Duda ukraynalı qaçqınların respublikada qalmasının qanuniliyinin uzadılmasını nəzərdə tutan qanunu imzalayıb.

"Operativ Media" xəbər verir ki, sənədə əsasən, Ukrayna vətəndaşları qanuni olaraq 2025-ci ilin sentyabr ayının sonuna qədər qala bilərlər.

Qanunla eyni zamanda ukraynalı qaçqınların tibbi, ailə və sosial müavinətlərə çıxışı da eyni müddətə uzadılır.